बारामा ९ किलो लागूऔषध गाँजासहित तीनजना पक्राउ

बाराको प्रसौनी गाउँपालिका र बिन्दाबासिनी गाउँपालिकाका तीनजनालाई ९ किलो २०० ग्राम लागूऔषध गाँजासहित प्रहरीले पक्राउ गरेको छ । पक्राउ पर्नेमा दुई महिला र एक पुरुष रहेका छन् ।

पक्राउ पर्नेहरूबाट बरामद लागूऔषधको विवरण:

▶ गम्भा देवी मुखिया (५५), प्रसौनी–२ – ३ किलो १४१ ग्राम
▶ जोगेन्द्र मुखिया (३८), प्रसौनी–२ – २ किलो ६४० ग्राम
▶ ममता देवी मुखिया (६०), बिन्दाबासिनी–२ – २ किलो ६५९ ग्राम र झोलाबाट ७९८ ग्राम
▶ जम्मा – ९ किलो २०० ग्राम गाँजा बरामद

विशेष सूचनाको आधारमा इलाका प्रहरी कार्यालय प्रसौनी बाराबाट प्रहरी निरीक्षकको कमान्डमा खटिएको टोलीले प्रसौनी–२ बजार क्षेत्रबाट भलुवहीतर्फ पैदल जाँदै गरेका उनीहरूलाई चेकजाँच गर्दा लागूऔषध गाँजा बरामद भएको बाराका प्रहरी नायब उपरिक्षक प्रकाश सापकोटाले जनाकारी दिएका छन् ।

पक्राउ परेकाहरूमाथि लागूऔषध सम्बन्धी मुद्दा दर्ता गरी आवश्यक अनुसन्धान भइरहेको प्रहरीले जनाएको छ ।