मदन रुन्चेको गोदाममा सशस्त्र प्रहरीले छापामारी गर्दै, लाखौको सामान भन्सार दाखिला गराएको छ ।
वीरगंज स्थित आदर्शनगरमा प्रस्तावित सीमा सुरक्षा गुल्मका एक टोलीले सोमबार एक ट्रान्सपोर्ट गोदाममा छापामारी गर्दा लाखौंको अबैध सामान बरामद गरी भन्सार बुझाएको हो । मदन गुप्ता (रुन्चे) द्वारा सञ्चालित जय माँ दुर्गा करियर नामक गोदाममा गरिएको छापामारीमा ५१ लाख रुपैयाँ बराबरको अवैध कपडा र हार्डवेयरका सामान बरामद गरेको प्रहरीले जनाएको छ ।
सशस्त्र प्रहरी बलका डीएसपी लोकेन्द्र सुब्बाको नेतृत्वमा खटिएको टोलीले उक्त सामानलाई आवश्यक कारवाहीको लागि वीरगंज भन्सार कार्यालयमा पठाएको सशस्त्र प्रहरी बल १३ नं. गणका सूचना अधिकारी नरेन्द्र धामीले जानकारी गराएका छन् । स्थानीय प्रशासनले तस्करी रोकीएको दाबी गर्दै आएको भए पनि मदन रुन्चेले चलाएको अनधिकृत कारोवार सञ्चालन भइनै रहेकाे एक स्थानीयले दाबी गरे । पँहुचको आधारमा रुन्चेको कारोबार र नेटवर्क भित्रभित्रै चाहिरहदाँ सशस्त्र प्रहरीले छापामारी गर्दै तस्करीकाे सञ्जाल ताेडेकाे उनले बताए ।
यसअघि रुन्चेको गोदाममा प्रहरीले छापामारी गर्दा १८ लाख रुपैयाँभन्दा बढीको कपडा बरामद गरेको थियो ।
राष्ट्रिय सरोकार संवाददाता
