सिराहा, लहान नगरपालिका–१ बाट नियन्त्रित लागूऔषधसहित दुई जनालाई प्रहरीले पक्राउ गरेको छ ।
पक्राउ पर्नेमा लहान नगरपालिका–१ का ३० वर्षीय बोना उर्फ राम बाबु दास र ३१ वर्षीय राम उदगार पुर्वे रहेका छन् । इलाका प्रहरी कार्यालय लहानबाट खटिएको टोलीले बिहीबार राति लु. ७३ प ५३८ नम्बरको मोटरसाइकलमा सवार दुवै जनालाई शंकास्पद अवस्थामा रोकेर जाँच गरेको थियो ।
जाँचको क्रममा उनीहरूको साथबाट डाइजेपाम २० एम्पुल, बुप्रेनोर्फिन २० एम्पुल र फेनारगन २० एम्पुल बरामद भएको प्रहरीले जनाएको छ । प्रहरीका अनुसार बरामद लागूऔषध नियन्त्रण ऐनअन्तर्गत मुद्दा दर्ता गरि थप अनुसन्धान प्रक्रिया अघि बढाइएको छ । पक्राउ परेका दुवै जनाको आपराधिक पृष्ठभूमि तथा लागूऔषध कारोबारमा संलग्नताको विषयमा गहिरो अनुसन्धान भइरहेको प्रहरी स्रोतले जनाएको छ ।
यसरी खुलेआम लागूऔषधको ओसारपसार भइरहेको पाइएको घटनाले लहान क्षेत्रमा लागूऔषध कारोबार बढ्दै गएको संकेत देखाएको स्थानीयवासीको चिन्ता व्यक्त भएको छ ।
प्रहरीले आगामी दिनमा यस्ता गतिविधि नियन्त्रणमा ल्याउन थप निगरानी र कडाइ गरिने जनाएको छ ।
राष्ट्रिय सरोकार संवाददाता
वीरगंजका चारजना सहित ८ जना चितवनमा खैरो हिरोइन सहित पक्राउ
सप्तरीमा धान जोगाउन गएका ६५ वर्षीय वृद्धको जंगली हात्तीको आक्रमणबाट मृत्यु
सिमरामा जेन जी यूवालाई कुट्ने दुई वडाध्यक्षसहित एमालेका कार्यकर्ता पक्राउ
दोषिलाई कार्वाही नगरेको भन्दै सिमरामा विहानदेखि प्रदर्शन
मधेस प्रदेशको बजेट खर्चमा सुस्तता, पहिलो त्रैमासिकमा ३.५% मात्रै खर्च
घुसकाण्डमा मुछिएपछि सप्तरीका एसपी ढकेन्द्र खतिवडा जिम्मेवारीबाट हटाइए, घुस काण्डका लागि छानबिन समिति गठन
