मधेस प्रदेश सरकारले चालु आर्थिक वर्षको पहिलो त्रैमासिकमा कुल बजेटको केवल ३.५ प्रतिशत मात्र खर्च गर्न सकेको छ ।
चालु र पूँजीगत दुवैतर्फको खर्च न्यून रहनुको मुख्य कारण जेन–जी आन्दोलन, प्रदेश सरकारको फेरबदल र मन्त्रालयको खाता सञ्चालनमा ढिलाइ भएको बताइएको छ ।
प्रदेश लेखा नियन्त्रण कार्यालय जनकपुरका अनुसार, चालुतर्फ ७.६८ प्रतिशत र पूँजीगततर्फ १.१८ प्रतिशत मात्र खर्च भएको छ। कुल खर्च १ अर्ब ६२ करोड २८ लाख रुपैयाँ पुगेको छ, जसमा चालु खर्च १ अर्ब २८ करोड ४२ लाख र पूँजीगत खर्च ३३ करोड ८५ लाख रुपैयाँ रहेको छ ।
मधेस प्रदेश सरकारले आर्थिक वर्ष २०८२/८३ मा कुल ४६ अर्ब ९८ करोड ३३ लाख ५१ हजार रुपैयाँको बजेट ल्याएको थियो। जेन–जी आन्दोलनपश्चात जनमत पार्टीको नेतृत्वमा नयाँ सरकार गठन भए पनि मुख्यमन्त्री जितेन्द्र सोनलले दुई मन्त्रीलाई विभागीय जिम्मेवारी नदिँदा र अन्य मन्त्रीहरू पनि नथपिँदा मन्त्रालयको बजेट खर्च प्रभावित भएको मन्त्रालयका एक सचिवले जानकारी दिएका छन् ।
राष्ट्रिय सरोकार संवाददाता
सिमरामा जेन जी यूवालाई कुट्ने दुई वडाध्यक्षसहित एमालेका कार्यकर्ता पक्राउ
दोषिलाई कार्वाही नगरेको भन्दै सिमरामा विहानदेखि प्रदर्शन
सिराहामा लागूऔषधसहित दुई जना पक्राउ
घुसकाण्डमा मुछिएपछि सप्तरीका एसपी ढकेन्द्र खतिवडा जिम्मेवारीबाट हटाइए, घुस काण्डका लागि छानबिन समिति गठन
समयमै नखुल्ने मालपोत र नापी कार्यालयमा, सेवाग्राहीलाई पर्खाइको पीडा
मामाघर आएका तीन वर्षीय बालक ७ दिनदेखि बेपत्ता, अपहरणको आशंका
