भोटेकोशी नदीमा आएको भीषण बाढीमा परी ज्यान गुमाउनेको सङ्ख्या ७ सय ३४ पुगेको छ ।
प्रहरी प्रधान कार्यालयले आइतबार बिहान ८ बजेसम्मको विवरण सार्वजनिक गर्दै हालसम्म २ हजार ६ सय ९९ जनाको उद्धार गरिएको जनाएको छ । प्रहरीका अनुसार विभिन्न जिल्लाबाट हालसम्म ७ सय ३४ जनाको शव फेला परेको छ । जसमध्ये रसुवामा १३, धादिङमा ५०, तनहुँमा ३६, नुवाकोटमा ५२, गोरखामा ५८, चितवनमा २५९, नवलपरासी पूर्वमा १८५ र नवलपरासी पश्चिममा ८२ जनाको शव फेला परेको प्रहरीले जनाएको छ ।
बाढी प्रभावित क्षेत्रमा सुरक्षाकर्मीले रसुवाका ६ सय ७६, नुवाकोटका २ हजार २० र धादिङका तीन जनाको उद्धार गरेका छन् । यस्तै, काठमाडौँका विभिन्न अस्पतालमा उपचार गराएका १ सय ६० जना उपचारपछि घर फर्किएका छन् । यसैबीच, बाढीपछि नेपाली सेना, नेपाल प्रहरी र सशस्त्र प्रहरी बलका गरी ८४ जना सुरक्षाकर्मी अझै सम्पर्कविहीन रहेको प्रहरी प्रधान कार्यालयले जनाएको छ ।
सम्पर्कविहीन हुनेमा नेपाली सेनाका ४४, नेपाल प्रहरीका २७ र सशस्त्र प्रहरी बलका १३ जना कर्मचारी रहेका छन् ।
राष्ट्रिय सरोकार संवाददाता
-1788146763-1788242536.jpeg)
-1787990775.jpg)
-1788146763-1788242536.jpeg)
काठमाडौँ र हेटौँडा जाने सवारीसाधनको लागि नयाँ ‘रुट’ निर्धारण
भोटेकोशी बाढीः मृत्यु हुनेको संख्या ९ सय ३ पुग्याे, चार हजारभन्दा बढी सम्पर्कविहीन
मृतकको संख्या ६१६ पुग्यो, चितवनमा शव व्यवस्थापनको तयारी
भोटेकोशी बाढीको क्षतिबारे सिंहदरबारमा सर्वदलीय बैठक
गभर्नरको कार्यकाल तीन वर्षमा झारिँदै
उपसभामुख रुबी ठाकुरद्वारा जनआस्थाका प्रधान सम्पादक श्रेष्ठविरुद्ध जाहेरी
