वेश्यावृत्तिमा संलग्न गराउने दुई भारतीय सहित चारजना पक्राउ, दुई महिलाको उद्धार

जिल्ला प्रहरी कार्यालय पर्सा अन्तर्गत प्रहरी चौकी इनर्वाबाट खटिएको संयुक्त प्रहरी टोलीले वीरगञ्ज महानगरपालिका–१६, भन्सार नजिकका होटलहरूमा चेकजाँचका क्रममा वेश्यावृत्तिमा संलग्न गराइएको अभियोगमा दुइजना भारतीय सहित चार जनालाई पक्राउ गरेको छ । भने, दुई महिलाको उद्धार गरेको छ ।

प्रहरीका अनुसार राम्रो आम्दानी हुने प्रलोभनमा पारेर होटलमा आएका ग्राहकहरूसँग शारीरिक सम्पर्क राख्न बाध्य बनाइएको सूचनाका आधारमा होटल स्वस्तिक र होटल रितेशमा छापा मार्दा दुई महिलालाई उद्धार गरिएको हो ।

घटनामा संलग्न रहेको आरोपमा भारत बिहार राज्य छपरा जिल्ला मडहौरा थाना अन्तर्गत बरदहिया गाउँपालिका–११ बस्ने ३५ वर्षीय मनेजर राय, महोत्तरी भंगहा नगरपालिका–२ टिकुलियाका ३२ वर्षीय सुक्राति चौधरी, ओखलढुंगा देयाले गाउँपालिका–५ बस्ने ३३ वर्षीय दिपेश राई र बारा जितपुर–सिमरा उपमहानगरपालिका–१४ की ३८ वर्षीया मिरा कुमारी महतोलाई नियन्त्रणमा लिइएको जिल्ला प्रहरी कार्यालय पर्साका प्रहरी नायब उपरीक्षक तथा सूचना अधिकारी सुवास भट्टले जानकारी गराएकाे छ । 

उनीहरूलाई मानव बेचबिखन तथा ओसारपसार (नियन्त्रण) ऐन, २०६४ बमोजिम मुद्दा दर्ता गरी पर्सा जिल्ला अदालतबाट सात दिनको म्याद थप अनुमति लिएर थप अनुसन्धान भइरहेको प्रहरीले जनाएको छ ।