नेभिगेशन
अर्थ सरोकार

बजारमा सुनचाँदीको मूल्यमा ४ हजारले गिरावट, आजदेखि नयाँ दर लागू

अन्तरराष्ट्रिय बजारमा आएको मूल्य परिवर्तनको सीधा प्रभाव आज नेपाली बजारमा देखिएको छ ।

नेपाल सुनचाँदी व्यवसायी महासङ्घका अनुसार आज सुन–चाँदी दुबैको मूल्यमा गिरावट आएको छ । आज सुनको मूल्य प्रतितोला ३ हजार ८०० रुपैयाँले घटेर नयाँ मूल्य २ लाख ३९ हजार ५०० रुपैयाँ तोकिएको छ ।

यस्तै, चाँदी पनि प्रतितोला ६५ रुपैयाँले घटेर ३ हजार ९० रुपैयाँ मा कारोबार भइरहेको महासङ्घले जनाएको छ । अन्तरराष्ट्रिय बजारमा आज सुनको मूल्य प्रति औँस ४ हजार १७ अमेरिकी डलर हाराहारीमा कारोबार भइरहेको छ, जसको असर नेपाली बजारमा पनि प्रत्यक्ष देखिएको छ  ।

व्यवसायीहरूका अनुसार अमेरिकाको अर्थतन्त्र, विश्वबजारको माग–आपूर्ति र भू–राजनीतिक अवस्थाले सुनचाँदीको मूल्यमा दैनिक उतार–चढाव ल्याइरहेको हुन्छ  ।

प्रकाशित मिति:
राष्ट्रिय सरोकारमा प्रकाशित सामग्री बारे कुनैपनि प्रतिक्रिया, सल्लाह, सुझाव वा कुनै सामग्री प्रकाशित गराउनुपरे rastriyasarokarnews@gmail.com मा पठाउनु होला ।
प्रतिक्रिया दिनुहोस्

राष्ट्रिय सरोकार संवाददाता

थप अर्थ सरोकार
Weather Update